Tuesday, March 27, 2012

ஷண்முகா!சரணம்




( எதையும் தாங்கும் இதயமுள்ளவர்கள் என் குரலில் பாட்டைக்
   கேட்கலாம்!)

ஷண்முகா!சரணம்
       http://youtu.be/We9fKaM-YAM

( மேலுள்ள லிங்கில் சுப்பு ஐயா  அவர்கள் ஹம்சத்வனியில்
    பாடுவதை ரசித்தவண்ணம்  வாசிக்கவும்)

தும்பிக்கையான் திருத்தம்பியே,சரணம்.
அம்பிகைமைந்தா,அழகா,சரணம்.
சம்புகுமாரா,சண்முகா,சரணம்.
நம்பிராசன் திருமருகா,சரணம்.
நம்புவோர்க்கருளும் நாயகா,சரணம் .

கந்தா,...குமரா..... சரணம்...சரணம்.
கருணா...நிதியே... சரணம் ..சரணம் .
சரவணபவ ஓம்முருகா,சரணம் .

காத்யாயினி ப்ரியசுதனே ,சரணம்.
கூத்தபிரான் குருநாதா, சரணம் .
கார்த்திகைப் பெண்களின் செல்வா,சரணம் .
பார்த்தசாரதியின் மருகா,சரணம் .
காத்தருள்வாய்,கருணாகரா,சரணம்

கந்தா,...குமரா..... சரணம்...சரணம்.
கருணா...நிதியே... சரணம் ..சரணம் .
சரவணபவ ஓம்முருகா,சரணம்

சேவல் கொடியேந்தும் தேவா,சரணம்.
தேவர் படையின் தலைவா , சரணம் .
பாவைவள்ளி ப்ரியநாதா,சரணம்.
தேவயானி மணவாளா,சரணம்
 நாவில் உன் நாமம்  என்றும் இருக்கணும் . 

கந்தா,...குமரா..... சரணம்...சரணம்.
கருணா...நிதியே... சரணம் ..சரணம் .
சரவணபவ ஓம்முருகா,சரணம் .


Wednesday, March 14, 2012

அபிராமி!அருள்வாய் நீ !

(ஓராண்டுக்கு முன் பதிவிட்ட அம்மன் பாட்டை மீண்டும் காரடை நோன்புக்காக இங்கு அளிக்கிறேன் )




அபிராமி!அருள்வாய் நீ!
(மகிஷாசுரமர்த்தினி ஸ்லோக மெட்டில் பாடலாம் .)


இடர்களைநீக்கித் தடங்கல் தகர்க்குங்
கடவுளாம் கணபதியின் தாயே!
விடமுண்டகண்டனின் இடப்பாகந்தனில்
இடம்பிடித்தமர்ந்த மகாமாயே!
கருவையுங்காக்கும் கர்ப்பரக்ஷாம்பிகே ,
குருகுக ஜனனி ,காத்யாயினி,
திருக்கடவூர் அமர் அன்னை அபிராமி,
கருணையோடிங் கெழுந்தருள்வாய்நீ !

முராரிசகோதரி,புராரிமனோகரி,
பரமேஸ்வரி,பவதாரிணி!
பர்வதராஜகுமாரி,கௌரி,
சர்வேச்வரி,சுகதாயினி!
சாரதே,சாமளே ,சாம்பவி,ஷாலினி,
சாகம்பரி,திருசூலினி!
நாராயணி,நவதுர்க்கே,நீலி,
பேரருள் பொழிந்திட வருவாய் நீ!

கற்பகவல்லி,காளி,காமேஸ்வரி,
கருணாசாகரி,கல்யாணி!
கற்பனைக்கெட்டா அற்புதரூபிணி ,
அன்னபூரணி,மனோன்மணி!
சொற்பதங்கடந்த சுந்தரி,சங்கரி,
சுமதுரபாஷினி,சுஹாசினி!
நின்பதமேகதிஎன்று பணிந்தோம்,
அன்புடன் எங்களுக்கருள்வாய் நீ!

Tuesday, February 28, 2012

அதிசுந்தரம் !!



  அதிசுந்தரம் !!

பன்னிருகரம் ,மூவிரு சிரம்,
குங்கும நிறம் ,அதிசுந்தரம்!
குகன் அதிசுந்தரம் !!

அசுரரையழித்த சுர சேனானி
ஒளிருது  வெண்ணீறணிந்தவன் மேனி !
துணைவியாம்  குன்றத்தில் தேவயானி !
தணிகையில் வள்ளியாம் இளையராணி !

பன்னிருகரம் ,மூவிரு சிரம்,
குங்கும நிறம் ,அதிசுந்தரம்!
குகன் அதிசுந்தரம் !!

வற்றாது கருணை சுரந்திடும் கேணி
பழநியம்பதிவாழ் தண்டாயுதபாணி !
பிறவிக்கடல்தாண்ட உதவிடும் தோணி
"சரவணபவ "எனும் மந்திரவாணி !

பன்னிருகரம் ,மூவிரு சிரம்,
குங்கும நிறம் ,அதிசுந்தரம்!
குகன் அதிசுந்தரம் !!

Monday, February 20, 2012

சிவ பஞ்சாக்ஷரத்துதி


சிவ பஞ்சாக்ஷரத்துதி
(கீழுள்ள துதி 'நாகேந்திர ஹாராய 'என்று தொடங்கும்
சிவபஞ்சாக்ஷர ஸ்லோகத்தைத் தழுவி எழுதப்பட்டதே அன்றி
அதன் தமிழாக்கம் அல்ல.)

ந
நஞ்சுண்ட நாதனை நெஞ்சில் நினைப்போம்;
நயனம் மூன்றுடையானை நமஸ்கரிப்போம்;
நச்சரவணிவோனின் நந்நாமம் நவில்வோம்;
நகாரமொலிக்கும் பஞ்சாக்ஷரம் ஜெபிப்போம்;

ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்

ஒம்நமச்சிவாய சிவாயநம ஓம்


ம:
மதிசூடும் மகேசன் மகிமையை மொழிவோம் ;
மதனை எரித்தவனின் மலரடி தொழுவோம் ;
மதிநுதல் மங்கை மணாளனைத் துதிப்போம் ;
மகாரமொலிக்கும் மாமந்திரம் ஜெபிப்போம் ;

ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்

ஒம்நமச்சிவாய சிவாயநம ஓம்

சி
சிரத்தில் நதி சூடும் சிவனடி பணிவோம்;
சசி சேகரன் சீரடி சரணடைவோம்;
சித்தத்திலரனின் சுபநாமம் பதிப்போம் ;
சிகாரமொலிக்கும் சிவமந்திரம் ஜெபிப்போம் ;

ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்

ஒம்நமச்சிவாய சிவாயநம ஓம்

வா
வாணுதற்கண்ணி பங்கனை வாழ்த்துவோம் ;
வார்சடையோன் கழலில் சிரந் தாழ்த்துவோம் ;
வானோர் வணங்கும் வள்ளல்பேர் உவந்துரைப்போம்
வாகாரமொலிக்கும் சிவமந்திரம் ஜெபிப்போம்;

ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்

ஒம்நமச்சிவாய சிவாயநம ஓம்

ய
யமனை வதைத்த ஈசன் வெண்ணீறு அணிவோம் ;
யக்ஷ ஸ்வரூபனின் இணையடி பணிவோம் ;
தக்ஷயஞம் தடுத்தோன் இனியபேர் இசைப்போம் ;
யகாரமொலிக்கும் பஞ்சாக்ஷரம் ஜெபிப்போம்;

ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்

ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்
ஒம்நமச்சிவாய சிவாயநம ஓம்

ஒம்நமச்சிவாய சிவாயநம ஓம்

Sunday, January 29, 2012

கூடிக்கலந்து...............

                                                                       
கூடிக்கலந்து...............
('சிந்துபைரவி ' படத்தில் வரும்  "நானொரு சிந்து "பாட்டின்
மெட்டில்  ஒவ்வொரு வரியும்  கச்சிதமாகப்
பொருந்தும்படி  நான் எழுதிய  கீழுள்ள முருகன் பாட்டை ,
அதே மெட்டில் [சுகாசினி மாதிரி சோகமா  பாடாமல்] 
குகனை நினைத்துக் குஷியாப் பாடிப்பாருங்கள் !)

கூடிக்கலந்து..........................
காவடிச்சிந்து..........................
கூடிக்கலந்து காவடிச்சிந்து
பாடு குகன்மேலே ..கேட்டு
ஆடிவரும் மயிலே !
தந்தையுந்தாயும் கந்தனே ..இந்த
சொந்தம் புதியதில்லே..இது
விந்தைப்புதிருமில்லே!.........................

கூடிக்கலந்து காவடிச்சிந்து
பாடு குகன்மேலே ,..கேட்டு
ஆடிவரும் மயிலே ,
தந்தையுந்தாயும் கந்தனே,..இந்த
சொந்தம் புதியதில்லே,..இது
விந்தைப்புதிருமில்லே..
கூடிக்கலந்து காவடிச்சிந்து
பாடு குகன் மேலே...கேட்டு
ஆடிவரும் மயிலே !.....................................

[ 1 ]மூவிருமுகத்தானுக்கென்னென்ன பேரோ?.........................
நாவாலவன் பேரைச்சொல்லாதார் யாரோ?.............................
மூவிருமுகத்தானுக்கென்னென்ன பேரோ?
நாவாலவன் பேரைச்சொல்லாதார் யாரோ?
சேவல் கொடியோன்பேர் ஜெபித்திருந்தாலே
காவல்தெய்வமாகிக்காத்திடுவானே,
நாமஞ்ஜெபிச்சா ...................நற்கதியுண்டு..................அவன்
நினைப்பிருந்தாலே நிம்மதியுண்டு..நம்புங்கடி.......................

கூடிக்கலந்து காவடிச்சிந்து
பாடு குகன்மேலே ,..கேட்டு
ஆடிவரும் மயிலே .............................................


[2 ]வாயாலவன்நாமம் ஒதிநின்றாலே........................................
நோய்நொடி நீக்கி நலந்தருவானே,.............................................
வாயாலவன்நாமம் ஒதிநின்றாலே
நோய்நொடி நீக்கி நலந்தருவானே;
ஏவல்வினையாவும் எரித்திடுவானே ,
பாவங்கள்யாவும் பொசுக்கிடுவானே,
தலைவனுக்கான ......................ஆறெழுத்தென்ன?....................
தலைவனுக்கான ஆறெழுத்தென்ன?..சொல்லுங்கடி ............

ஓம்......சரவணபவா...................
ஓம்......சரவணபவா...................
ஓம்......சரவணபவா...................

கூடிக்கலந்து காவடிச்சிந்து
பாடு குகன்மேலே ,..கேட்டு
ஆடிவரும் மயிலே ,
தந்தையுந்தாயும் கந்தனே,..இந்த
சொந்தம் புதியதில்லே,..இது
விந்தைப்புதிருமில்லே..
கூடிக்கலந்து காவடிச்சிந்து
பாடு குகன்மேலே ....கேட்டு

ஆடிவரும் மயிலே!................

Sunday, January 8, 2012

மைத்ரீம் பஜத !




       8.1.1994  அன்று மகாசமாதி ஏற்றுக்கொண்ட 
காஞ்சி பரமாச்சார்யார் (நடமாடும் தெய்வம்)
அவர்களின்  நினைவாக, அவர்  உலக ஐக்கியத்துக்காக
எழுதி அருளி எம் .எஸ்  அவர்கள்ஐக்கிய நாட்டு சபையில் பாடிய  ''மைத்ரீம் பஜத''என்ற சம்ஸ்க்ருத பாடலை
என் சிற்றறிவிற்கு எட்டியவரை தமிழாக்கி ,
இன்று (8.1.12) கலா அவர்களின்  குரலில்
பரமாச்சாரியாரின் பாதகமலங்களில் சமர்ப்பிக்கிறேன்.

              மைத்ரீம் பஜத !

மைத்ரீம்  பஜத ,அகில ஹ்ருஜ் -ஜேத்ரீம்!

அனைத்துளம் வெல்லும் நேயம் வளர்ப்பீர்!

ஆத்மவதேவ  பராநபி  பச்யத !

தமைப்போல் மாற்றார் தமையும் காண்பீர்!

யுத்தம் த்யஜத! ஸ்பர்தாம் த்யஜத!

விடுவீர் போரை,ஆதிக்க வெறியை!

த்யஜத  பரேஷ்வக்ரமம்--ஆக்ரமணம்!

துறப்பீர் பிறரதைப்  பறிக்குந்தீநெறியை!


ஜநநீ  ப்ருதிவீ   காமதுகாஸ்தே ,

விரும்புவதெல்லாம் தருபவள் புவித்தாய்;

ஜனகோதேவ :  ஸகல தயாளு :!

கருணையில் கங்கையாம் எந்தை ஈசன் !

தாம்யத!தத்த !தயத்வம்  ஜனதா:!

மாந்தரே! பொறை,கொடை,பரிவு பயில்வீர்!   

ச்ரேயோ  பூயாத்  ஸகல  ஜநாநாம் !

பாரினில் யாவரும் மேநிலையுறுவீர்!   


[நன்றி :ர.கணபதியின் "மைத்ரீம் பஜத"]
[நன்றி:குமரனின் 'கூடல்'வலையில் உள்ள தமிழுரை ]






















Tuesday, December 27, 2011


 

அருள்வாய் முருகா!

ஒருமுகப் படுத்திய மனத்திலே முருகா!உன்
திருமுகங்காட்டியருள்வாயே !

இருமணங்கொண்டவா ! வள்ளிதேவயாநியுடன்
தரிசனந்தந்தெனக்கருள்வாயே!

முக்கண்ணனுக்கு பிரணவப் பொருளினைப்
பக்குவமாய்ச்ச்சொன்ன பாலகுரு!

நான்மறை போற்றிடும் நாயகா, எனக்குள்ளே
ஞான ஒளி ஈந்தருள்வாயே!

பஞ்சாம்ருத அபிஷேகப் பிரியா! என்
நெஞ்செல்லாம் நீ நிறைந்திடுவாயே!

ஆறெழுத்துள்ள  உன்பேர் ஜெபித்தே கடை
தேறிடப்பேரருள் புரிவாயே!

ஏழேழ் பிறவியுமுன் இணையடி நிழலிலே
ஏழையேன் இருந்திட அருள்வாயே!

எட்டுக்குடிஅழகா!சட்டியின் நாயகா! 
பொற்றாள்களில் புகல்  தருவாயே! 

ஒன்பது  கோள்தரும் துன்பந்தவிர்த்தருளும்
தென்பழநியின்  தண்டாயுதனே !

பத்தரின் மித்ரனே!பித்தனின் புத்ரனே!
முக்தியெனும் நிலை அருள்வாயே !