Monday, May 30, 2011

அரனின் அருளே அரண்(மெட்டு..சந்த்ரசேகராஷ்டகம் )

   அரனின் அருளே அரண் 
[ ''சந்திரசேகர சந்திரசேகர சந்திரசேகர பாஹிமாம்''என்று தொடங்கும்

     சந்திர சேகராஷ்டகத்தின்  இனிமையான மெட்டில் பாடும்வகையில்
இந்த பஜனைப்பாட்டை எழுதி இருக்கிறேன்;இது மொழிபெயர்ப்பு அல்ல.  ] 
                                                      
                                   


 அரவணைக்கும் அரனின் பஞ்சாக்ஷரத்தையோதுமன்பரை,
அரவணைக்கும் பரமனருளே அரணுமாகிக்காக்குமாம்!

லம்போதரனை நமக்களித்த
                  சிவனின் சன்னதி சேருவோம்;
 "சம்போ சிவ சம்போ"என்றே
                 ஜெபித்து அவனருள் கோருவோம்;
அம்பலத்தே ஆடும் அரனின்
                அம்புயப்பதம் பற்றுவோம்;
 நம்புமடியார் நலனைக்காக்கும்
                 நாதனாலயம் சுற்றுவோம் .
                       (அரவணைக்கும்..)

 மதிமயக்கி மோகமூட்டிட
               மலர்க்கணைகளை ஏவிய
மதனின்சதியால் மௌனம்கலைய
               வெகுண்டெழுந்து சீறியே,
 நுதல்கண்ணால் ரதிபதியை எரித்த
               ஈசன்லீலையை எண்ணுவோம்;
முதலும் முடிவும் எதுவுமற்றவன்
               பதத்தைப்பூஜை பண்ணுவோம்.
                                   (அரவணைக்கும்..)

தோகைமயிலோன் தந்தை சோம
                     சேகரன் தாள்தழுவுவோம்;
 நாகபூஷணன் பதத்தினை நம்
                       நயனநீரால் கழுவுவோம்;
தேகமெங்கும் நீறுபூசும்
                       நாதனருளைப்பருகுவோம்;
 ரோகம்நீக்கும் ரிஷபவாகனன்
                      கிருபையை எண்ணி உருகுவோம்.
                                             (அரவணைக்கும்..)

 கையில்கனலை ஏந்தும் கயிலை
                  நாதன்  தாளினைப்போற்றுவோம்;
மெய்யில்பாதியை மனைவிக்கீந்தவன்
                  மகிமையைப்பறை சாற்றுவோம்;
வையமுய்ய நஞ்சை உண்டவன்
                  நிமலபாதம் சேருவோம்;
ஐயனின் ஐந்தெழுத்து மந்திரம்
                 ஓதியே கடைதேறுவோம்;
                                     (அரவணைக்கும்..)

 மங்களந்தரும் மங்கைப் பங்கனின்
                      பங்கயப்பதம் நாடுவோம்;
 திங்கள்தங்கிடும் சடையனாம் சிவ
                     சங்கரன் புகழ்பாடுவோம்;
 பொங்கும் கங்கையைத்தலையில் தாங்கிய
                      லிங்கரூபனை வாழ்த்துவோம்;
 செங்கண்மால் திருத்தங்கையின்பதி
                         தாளிலே தலைதாழ்த்துவோம்;
                                                      (அரவணைக்கும்..)
    

Sunday, May 15, 2011

வழித்துணை

                              வழித்துணை

                                     
[அப்பையரின் 'மார்க்கபந்து 'ச்தோத்திரத்தைத் தழுவி எழுதிய கீழுள்ள

   பஜனை அதன் முழுமையான மொழி பெயர்ப்பு அல்ல.

   இதை "நந்தவனத்திலோர் ஆண்டி " என்ற பாட்டின் மெட்டிலேயே
    சுலபமாகப் பாடும்படி அமைத்திருக்கிறேன் ]

  சம்போ மகா தேவ தேவா -சிவ 
  சம்போமஹாதேவ தேவேச சம்போ!
 சம்போமஹாதேவ தேவா!


    நதிசூடும் சடையிலோர் கிரீடம் -புனித
    நுதலிலே ரதிபதியின் விதி முடித்த நயனம்,
   எதிரிகளை வதம் செய்யும் சூலம் -கொண்ட
   முதல்வா!எமக்கு நீ வழித்துணையாய் வருவாய்! (சம்போ)

    படமெடுத்தாடிடும் பாம்பும் -சடை
   முடியிலே பொங்கிடும் கங்கையின் நீரும்,
   கடைதேற்றும் ஓங்கார வடிவும் -கொண்ட
   விடையவா!எமக்குநீ வழித்துணையாய் வருவாய்! (சம்போ)

                                          

   தக்ஷயஞம் தடுத்த தீரம் -உலக
   ரக்ஷகரின் பகைவரை வென்றிடும் வீரம்,
  பொற்சிலை ஏந்திடும் கரமும் -கொண்ட
  பிக்ஷாடனரூபா! வழித்துணையாய் வருவாய்! (சம்போ)

  மன்மதனை அடக்கிய திருக்கண்  -விடம்  
  உண்டதால் கருநீல நிறமான கண்டம் , 
  விண்ணைச்சுமந்திடும் சிரமும் -மின்னும்
  வெண்பல்லும் கொண்டவா!வழித்துணையாய் வருவாய்! (சம்போ)

                                          

 மந்தஹாசம் சிந்தும்வதனம் -பெரும்
 மந்தரமலையினும் வலுவான தேகம்,
 சுந்தரி உறையும் இடப்பாகம் -கொண்ட
 நந்திவாகனா! நீ வழித்துணையாய் வருவாய்! (சம்போ)

அப்பைய்யரின் கீதசாரம் -இதனை
செப்புவோம் பக்தியாய் பயணிக்கும் நேரம்,
ஒப்பற்ற உமையொரு பாகன் -நம்மை
ரட்சிக்க நமது  வழித்துணையாக வருவான் (சம்போ)

Saturday, May 7, 2011

உயிர் அன்னவன்


கோகுல மண்ணள்ளித் தின்னவன்;--கொஞ்சும்
   கோபியருடன் லீலை பண்ணவன்;
   ராதையின் நெஞ்சத்து மன்னவன்;--பக்த
   மீராவுக்கும் அவன் 'தன்னவன்'!


       உன்னவன் ..அவன் என்னவன் ..நம்ம
        எல்லோருக்கும் 'உயிர்' அன்னவன்!


  பாரதி பாட்டிலோர் பெண்ணவன்;--பாவை
  பாடிய கோதையின் க(ண்)ணவன்;
  கீதை எனும் வேதம் சொன்னவன்;--ஸ்ரீ
  ரங்கம் துயின்றதால் தென்னவன்!
                              


        உன்னவன் ..அவன் என்னவன் ..நம்ம
        எல்லோருக்கும் 'உயிர்' அன்னவன்!


 ராமாவதாரத்துப் பின்னவன்;--திரு
 மாலாய் சங்கரிக்கு முன்னவன்;
 பலராமனுக்குச் சின்னவன்;--ஓங்கி
 உலகையளந்து நின்னவன்!

                                            

         உன்னவன் ..அவன் என்னவன் ..நம்ம
        எல்லோருக்கும் 'உயிர்' அன்னவன்!

Wednesday, May 4, 2011

சரணம் ஷடானனா![கிருத்திகை கீதம்]

          
      சரணம் ஷடானனா![கிருத்திகை கீதம்]


                   விண்ணோரும் தொழும் பன்னிருகண்ணனின்
                    சன்னதியை  நாடு ,--அவன் 
                    புண்ணிய நாமத்தை  எண்ணி இனியதோர் 
                   பண்ணமைத்தே பாடு !
[சரவணபவ ஓம்,சரவணபவ ஓம்,சரணம் ஷடானனா!
 சரவணபவ  ஓம்,சரவணபவ ஓம்,சரணம் சிவனந்தனா ]

                   உருகியுருகி மனமுருகியுருகி  திரு
                   முருகனின் பேரோது,-அவன் 
                  அருகில் வரவும்  அருள்பெருகிவரவுமதைப் 
                   பருகிமகிழ்ந்தாடு !
[சரவணபவ ஓம்,சரவணபவ ஓம்,சரணம் ஷடானனா!
 சரவணபவ  ஓம்,சரவணபவ ஓம்,சரணம் சிவனந்தனா ]

                   பவபயம்போக்கி  நோய்நொடி நீக்கும் 
                   ஔஷதஎழுத்தாறு ,--ஓங்கி 
                  ``சரவணபவனுக்கு அரோஹரா!'' என்றே 
                    பரவசமாய்க் கூறு !
[சரவணபவ ஓம்,சரவணபவ ஓம்,சரணம் ஷடானனா!
 சரவணபவ  ஓம்,சரவணபவ ஓம்,சரணம் சிவனந்தனா ]


                                                        


                  வினைப்பயன் தீர்க்க  முனைவேலேந்தி 
                  வருகிறான் வேல்முருகன் ,--நம்ம
                 பயந்தனைப்போக்க மயில்மீதேறி 
                 வருகிறான்  மால்மருகன் !
[சரவணபவ ஓம்,சரவணபவ ஓம்,சரணம் ஷடானனா!
 சரவணபவ  ஓம்,சரவணபவ ஓம்,சரணம் சிவனந்தனா!]


                 தேவயானியுடன்  பாவைவள்ளியுடன்
                வருகிறான்  ஆறுமுகன்,--தீய 
                ஏவல் வினையறுக்கும்  காவல்தெய்வமாய் 
                வருகிறான் குருகுகன் !
[சரவணபவ ஓம்,சரவணபவ ஓம்,சரணம் ஷடானனா!
 சரவணபவ  ஓம்,சரவணபவ ஓம்,சரணம் சிவனந்தனா!]







                  

            







                  

Saturday, April 30, 2011

லிங்காஷ்டகம்

                                     லிங்காஷ்டகம்    
                                        [ மெட்டு-பிரம்ம முராரி ] 

                                            
அரி அயன் அனைவரும் பணிந்திடும் லிங்கம்;
திருபுரம் எரித்த தயாபர லிங்கம்;
பிறவிப்பிணி தனை அறுத்திடும்லிங்கம்;
தத் ப்ரணமாமி சதாசிவலிங்கம்.

          இஷ்டமாய் தூயர்கள் சேவிக்கும்லிங்கம்;
         பஸ்மமாய் காமனைப்பொசுக்கியலிங்கம்;
        துஷ்டதசமுகனும் வணங்கியலிங்கம்;
         தத் ப்ரணமாமி சதாசிவலிங்கம்.

சுகந்தங்கள் சூழ்ந்ததோர் சுந்தரலிங்கம்;
அகத்தின் அழுக்கினை அகற்றிடும்லிங்கம்;
சகலரும் சரணம் அடைந்திடும் லிங்கம்;
தத் ப்ரணமாமி சதாசிவலிங்கம்.

          உச்சியில் வளர்மதி சூடியலிங்கம்;
         நச்சுடைநாகம் அணைத்திடும்லிங்கம்;
        தக்ஷயஞம் தடுத்தருளியலிங்கம்;
        தத் ப்ரணமாமி சதாசிவலிங்கம்.

குங்குமசந்தனம் பூசியலிங்கம்;
செங்கமலமாலை சூடியலிங்கம்;
முந்தையபாவங்கள் முறித்திடும்லிங்கம்;
தத் ப்ரணமாமி சதாசிவலிங்கம்.

            தேவரும் யாவரும் துதித்திடும் லிங்கம்;  
           சேவிக்கும் அன்பர்க்கு சுகந்தரும் லிங்கம்;
           காவியம் கொள்ளா கவின்மிகு லிங்கம்;
          தத் ப்ரணமாமி சதாசிவலிங்கம்.

வில்வதளார்ச்சனை  விரும்பிடும் லிங்கம்;
நல்லவை யாவுக்கும் காரண லிங்கம்;
செல்வச்செழிப்பினை சேர்த்திடும் லிங்கம்;
தத் ப்ரணமாமி சதாசிவலிங்கம்.

        முனிவர்,சுரஅசுரர் பூஜிக்கும்லிங்கம்;
        மணமலர் மாரியில் மறைந்திடும்லிங்கம்;
       மனத்தினில் பக்தியைத்தூண்டிடும் லிங்கம்;
       தத் ப்ரணமாமி சதாசிவலிங்கம்.
      தத் ப்ரணமாமி சதாசிவலிங்கம்.
      தத் ப்ரணமாமி சதாசிவலிங்கம்.

Thursday, April 14, 2011

சித்திரை பூத்தது


         சித்திரை பூத்தது


சித்திரை பூத்ததும் சித்தத்தில் பூத்ததோர்
புத்தம் புதிய சந்தம் ...இனிய
இசை அமைத்தே இதைப்பாடிப்பணிவோம்
இறைவன் பாதாரவிந்தம் ..[மங்களம் பொங்கிடும்
                                                             எங்கெங்கும் தங்கிடும் ]



                    ஸ்கந்தபூர்வஜனாம் தொந்தி கணேசனை
                   வந்தனை செய்திடுவோம் ..அவன்
                   ஐந்துகரத்தாலே  அபயம் அளித்தாசி
                   தந்தருள் புரிந்திடுவான் ..[மங்களம்...]




தனயனிடம் பாடங்கற்ற பரமனின்
வினயத்தைப்பாடிடுவோம் --கையில்
கனலேந்தும் கயிலாயன் குண நலன்கூட்டி  நம்
மனமலம் மாய்த்திடுவான்--(மங்களம்..)





                குகனுக்கு சக்திவேல் தந்த அபிராமி
               மகிமையைப்பாடிடுவோம் --அன்னை
               அகிலாண்டேஸ்வரி  அடியவர்வாழ்வினை
              சுகமயமாக்கிடுவாள் (மங்களம்...)





தோகைமயிலேறி வேகமாய்வரும்
விசாகனைப்பாடிடுவோம் --கருணை
மேகமாய் வந்தருள்மழைபொழிந்தே  அவன்
தேகனலந்தருவான் (மங்களம்..)


      



                   வேலினை ஏந்தும் விசாகனின்மாமனாம்
                   மாலினைப் பாடிடுவோம் --சிறு
                   கால்விரல்கடித்திடும்   ஆலிலைப் பாலகன்
                  காலமெல்லாம் அருள்வான் (மங்களம்)




 முருகன் மாமன் மார்பில் உரையுந்திருமகள்
பெருமையைப் பாடிடுவோம் --அவள்
பொருள்வளம் அளித்து நம் வறுமையைப் போக்கியே
திருவருள் செய்திடுவாள் (மங்களம்--)


                   நான்முகன் நாயகி வீணாபாணியின்
                   மேன்மையை ப்பாடிடுவோம் --கலை
                   வாணி நம் அஞான இருளினைப் போக்கியே
                    ஞான ஒளி   அருள்வாள் (மங்களம்...)


Disclaimer:images are from 'google search'

Tuesday, April 12, 2011

ஸாயிராம் நவமி

        ஸாயிராம் நவமி

          
        ராமநவமிநாளில் சாயிநாமம் ஓதுவோம்;             
        தாமரைப்பதத்தில் பஜனைமலர்கள் தூவுவோம் 


                 கொடிய அரக்கர்கோனை கொன்ற கோதண்டபாணி;
                    கலியுகத்தில் பூண்டநாமம் சீரடிசாயி .                              
                     அரவப்படுக்கை விடுத்து கிழிந்த கந்தல் கோணி ;       
          விரித்து அரி துயின்றதலம் த்வாரகாமாயி.             
                                                                           
[ராமநவமி]

        கல்லாய் உரைந்த அகல்யாவை மீட்டவர் ரகுராம்;
                       செங்கல்லில் தன் உயிரை அடக்கி வைத்தவர் சாயிராம்.
       சபரி ருசித்த பழத்தை உண்டு ரசித்தவர் ரகுராம் ;
                       பாயாஜாபாய் அளித்த  உணவைப் புசித்தவர் ஸாயிராம்.          
[ராமநவமி]



                       அயோத்தி வருமுன் பதினான்காண்டு ராமரின்வனவாசம்;
                       சீரடிதிரும்புமுன் நான்காண்டு சாயியின் அக்ஞாத வாசம்.
   வெற்றிகரமாய் முடித்தார் ராமர் அச்வமேதயாகம்; 
           மீட்டுத்தந்தார் ஸாயிநாதர்  சந்த்படீலின் அச்வம்.
                                                       [ராமநவமி...]
                                                           
                              

        வில்வித்தை பயின்று தேர்ச்சி பெற்றவர் ரகுராம்;
        மல்யுத்தக்கலையில் பயிற்சி பெற்றவர் சாயிராம்.
       அம்பினாலே அரக்கர்கோனை அழித்தவர் ரகுராம்;
           அன்பால் ரோஹிலாவையடக்கியவர் ஸாயிராம்.
[ராமநவமி]
                          

                     இனம்,மதம், மொழி பேதமற்ற சாயி மனிதமேரு;                 
                     துனியிலிருந்து அவரளித்த உதியோ புனிதநீறு;                     
                     கண்கண்டகடவுள் சாயி நமது கல்பத்தரு ;                           
                     மீண்டும்மீண்டும் படித்து உய்வோம் சாயிவரலாறு.            [ராமநவமி-]

              பிக்ஷை வாங்கி பகிர்ந்துண்டவர்  நாமம் சாயிராம்      
       ரக்ஷையாக நம்மைக்காக்கும் நாமம் சாயிராம்       
      அக்ஷயபாத்திரமாய் அருளும் நாமம் சாயிராம்      
        மோக்ஷமளிக்கும்  மூலமந்த்ரம்  ஒம்ஸ்ரீசாயிராம்       
                                                                              ஒம்ஸ்ரீசாயிராம்         
                                                                                                ஒம்ஸ்ரீசாயிராம்    



disclaimer:images are from 'google search'