கதி நீயே,கந்தா![மெட்டு..முத்தைத்தரு   ]
---------------------------
     அதிதுரித கதியில் பாயும்
     நதியின்கதி மிதப்படுத்த
    மதிபொதியும் முடியில் தடுத்த மகேசனின்
    தவம் கலைக்கச் சதி செய்த
   ரதிபதியாம் மதனின் விதியை
    முடித்த சிவன் நுதல்விழி வழியே உதித்திட்ட
    அதி அதிசயப்புதல்வனின் புனித
   சதங்கையணிப் பதமலரதுவே
 கதியென இதயம் அதனில் பதித்தே நீ
  உதயம்முதல் உறங்கும் வரையில்
 நிதமும் சதாகாலமும் பார்வதி
 சுதனைத் துதித்திருந்தே நற்கதி அடைவாயே !