Wednesday, January 26, 2011

[இடைவேளை --[2 ] ]
----------------------------
           யாரு அந்த வாத்தியாரு?
--------------------------------------------------------------------------
['ட்விங்கில் டவிங்கில் லிட் டில் ஸ்டார்' போன்ற பாப்பா பாட்டுக்களில்
உள்ள கற்பனை ,ஆங்கிலப் பாப்பாக்களுக்கு மட்டுமே சொந்தமா?
பிளாட்பாரப் பிஞ்சுகளின் கோணத்திலிருந்து நோக்கினேன் வானத்தை;
விளைவுதான் இப்பாட்டு!]

       யாரு அந்த வாத்தியாரு?
        இருந்துக்கினே இல்லாம
          தலமறவா ஒளிஞ்சிகிட்டு
           நெலாவெளிச்சத்தில
           எலவசமா ராப்பள்ளி
             நமக்காங்காட்டி நடத்தறாரு !யாரு அந்த வாத்தியாரு?
                மானத்துப்பலகையில
                 புரியாத பாசையில
                 மணிமணியா முத்துமுத்தா
                 பாடங்க அத்தனையும்
                 மொத்தமா எயுதிவச்சி
                   ஓதிக்காம,வய்யாம,
                   ஓசையே இல்லாம
                   வகுப்ப நடத்துறாரு!யாரு அந்த வாத்தியாரு?
                   எயுதிவச்ச பாடமெல்லாம்
                    விடிஞ்சதுமே தொடச்சுபுட்டு,
                      புரிஞ்சிகிட்ட பயலொருவன்
                        உண்டான்னு ஊரெல்லாம்
                          தேடித்தேடி பாக்குறாரு
                          சூரிய டார்ச் அடிச்சி!யாரு அந்த வாத்தியாரு?
=========================================================

No comments:

Post a Comment