அக்னிப்பூவே!வந்தனம் !
தென்றல் தாங்கிவர,கங்கை வாங்கித்தர,
கன்னியர் வளர்த்த அக்னிப்பூவே!
மன்றாடி மைந்தா!குன்றாடுங்கந்தா!
வந்தனம்!அமரர் படைக்கோவே!
புனலணியும் அரனின் அனல்விழிப்பொழிலில்
அரும்பிய ஞானக் கனற்போதே !
உனைப்பணிந்திடுவோர் மன இருள்தன்னை
மாய்த்திட வருவாய் மயில்மீதே!
தென்றல் தாங்கிவர,கங்கை வாங்கித்தர,
கன்னியர் வளர்த்த அக்னிப்பூவே!
மன்றாடி மைந்தா!குன்றாடுங்கந்தா!
வந்தனம்!அமரர் படைக்கோவே!
நிலவணியும் நிமலன் நங்கையுறவின்றி
விழியால் படைத்த அதிசயமே !
கலியுக வரதா!மலரடி தொழுதோம்;
அகற்றிடுவாய் எங்கள் பவபயமே!
தென்றல் தாங்கிவர,கங்கை வாங்கித்தர,
கன்னியர் வளர்த்த அக்னிப்பூவே!
மன்றாடி மைந்தா!குன்றாடுங்கந்தா!
வந்தனம்!அமரர் படைக்கோவே!
No comments:
Post a Comment